Back to Top
Vigilante banner image

Vigilante ya a yega 200 mil siguidó riba Facebook


December 31, 2024 • 2 minüt pa lesa

WILLEMSTAD,—-Ayera sigur tabata un dia grandi Korant Vigilante. E página di FaceBook di VigilanteKòrsou a yega 200 mil siguidó.

Esaki sigur ta grandi pa e página di Facebook di Vigilante. Ta asina ku na aña 2013 Lilo Sulvaran a habri e página di VigilanteKòrsou kaminda ku nan tabata bai ’Live’ na diferente evento i notisia. Tantu polisial, deporte,korte, eventonan di farándula i hopi otro kos mas.

Esaki a hasi e página ya for di e tempu ei hopi popular i den e forma ei e página di VigilanteKòrsou a krese i bira grandi. Mas aleu mester bisa ku na aña 2017 e página di Facebook di VigilanteKòrsou a bira e promé página di FaceBook lokal ku a bai transmití fiestanan bailabel na Aruba. Esaki tabata debut di agrupashon musikal “ONE”,ku tabata den kombinashon ku agrupashon musikal Buleria i e artista Dongo.  

Tambe ta asina ku algun aña tras di lomba VigilanteKòrsou a transmití e parada di Fakel na Aruba ku tambe tabata un éksito kompleto. 30 di desèmber ta bira un dia históriko kaminda ku e página di FaceBook Vigilante Kòrsou a yega 200,000 siguidó. Esaki ta hasi e página en kuestion esun ku tin mas tantu siguidó na e momentu nan aki, pa lokual ta trata plataforma di notisia. Lilo Sulvaran i Kòrá Faneite tabata tin un kombersashon ku otro riba e plataforma di VigilanteKòrsou,kaminda ku Lilo a trese dilanti kon tur kos a kuminsá.

Djis subi riba e página di FaceBook di VigilanteKòrsou pa asina bo mes mira i tende kon Lilo Sulvaran mes ta konta kon tur kos a kuminsá na aña 2013. Un pabien ta bai na e ‘team’ kompleto ku Vigilante Kòrsou ku nan logro di 200.000 siguidó riba e plataforma di FaceBook di Vigilante Kòrsou. Por sierto na final Lilo Sulvaran a duna di konosé ku VigilanteKòrsou lo bai ta mas agresivo i nan lo bin ku diferente kontenido di seri di programa.

Vigilante Kòrsou a yega 200.000 siguidó riba FaceBook.

Login