Back to Top
Vigilante banner image

Vuelo humanitario pa Venezuela di 22 di mart 2021 posponé


March 22, 2021 • 1 minüt pa lesa

Willemstad—En bista di un kombinashon di faktor di último momentu, Minister di Hustisia ta hañ’é ta posponé e vuelo humanitario ku tabata planiá pa tuma lugá dia 22 di mart 2021 di Kòrsou pa Venezuela.


Te ku djadumingu atardi no tabatin klaridat si e vuelo lo haña pèrmit di parti di Gobièrnu di Venezuela pa aterisá na Venezuela. Anteriormente riba djasabra 20 di mart, e vuelo ku lo a sali di Aruba pa Venezuela na último momentu no a risibí pèrmit di parti di Gobièrnu Venezolano.

Tambe tin indikashonnan ku a keda risibí, ku Venezuela ku hopi probabilidat lo ta drentando un ‘lock down’ pa motibu di oumento di kasonan di Covid-19 na Venezuela.

Mirando e puntonan menshoná, Minister di Hustisia a yega na konklushon ku ta mihó posponé e vuelo te ora tin mas klaridat.

E personanan konserní a wòrdu aserká i avisá pa nan keda pendiente pa asina tin klaridat nan risibí mas informashon.

Djaluna mainta mes deliberashonnan lo kuminsá, pa asina por duna na e kantidat di persona ku a kumpra nan ticket, tantu di Caracas pa Kòrsou, komo Kòrsou pa Caracas informashon, na ki momentu e vuelo lo por tuma lugá.

Login