Willemstad—-Djadumingu  merdia Warda Kosta a risibí un notifikashon di ‘Korps Politie Caribisch Nederland ku un  siklista a bira malu den e ‘mondi’ na altura di Sabadeco.

 E hòmber tabata kore baiskel i a bira malu durante su kareda di baiskel. E Sentro Operashonal Marítimo di Wardakosta mesora a manda e helikòpter di Wardakosta pa Boneiru pa hasi un evakuashon médiko. Na yegada di e helikòpter na Boneiru mesora e siklista a keda hisá pa e helikòpter pa sak’é for di e mondi. Despues di esaki, e hòmber a keda hiba pa e Aeropuerto Internashonal di Boneiru, kaminda un ambulans tabata warda riba dje.