Back to Top
Responsive image
E korant di pueblo

Wardadó di prezu detené pa maltrato ta sigui enkarselá


February 13, 2021 • 1 minüt pa lesa

E sospechoso wardadó di Prezu detené ku a maltratá e dama malamente.Despues ku a terminá ku e investigashonnan serka e Tim Forensiko e la keda transportá mesora pa warda di Polis na Barber.

Willemstad— Ayera e wardadó di Prezu  R.F. di 35 aña ku ta detené pa maltrato bestial kontra di un dama ku e tabatin relashon kuné a keda hiba warda di Polis Punda pa asina  e tim Forensiko por a hasi mas investigashon.

Djamars e wardadó di Prezu ku tabata forma parti di e tim Blou Blou den Prizon a keda presentá dilanti un wes komisario via di e sistema virtual na unda a alarga su aresto ku ocho dia mas. E wardadó di prezu ta detené pa un kaso di maltrato bestial ku a la kometé kontra di e dama ku e tin un relashon kuné.  E dama tabatin basta sla na kara i tambe repchi fraktura. Na warda di polis mesora e wardadó di prezu kual tin un kurpa basta korpulento a keda detené miéntras e dama a keda transportá ku ambulans pa CMC. Ayera a bai warda di Polis na Barber unda e sospechoso ta detené i a busk’é bai hib’é na warda di Polis na Punda na e departamentu Forensiko pa asina por a verifiká tur su datonan. E kaso ta den investigashon.

Login