Back to Top
Responsive image
E korant di pueblo

Wes ta duna hóben ku atmití di kometé atrako 2 aña di kastigu


February 13, 2021 • 2 minüt pa lesa

Na momentu ku a detené e atrakadó nan.

Nieuwe Haven—Ayera korte a duna sentensia na basta hóben ku a kometé atrako i den nan e hóben Guy Celestin tambe ta un di nan ku a tende su sentensia.

E hóben G. Celestin a wòrdu akusa  di a komete  diferente atrako i ku tambe e mes  a atmití di a kometé nan. Ta asina ku e akusado tabata será debí na 3 atrako ku el a kometé. Dos di e atrako nan ku e la kometé tabata na  e mesun minimarket despues ku wes a deklar’é liber den pasado.

Celestin a deklará den pasado ku e lo bai sigui  ku e kursonan ku e lo mester hasi, pa asina e sigui tene su mes okupá ku un ke otro pa evitá pa bai kometé echonan kastigabel. Pero esaki no a sosodé debí ku Celestin a bolbe kai será huntu ku Jayson Hooi, kual ta un bròder ku e ta basta será kuné i e lo mester kometé atrako huntu ku e konosí aki. Durante tratamentu di e kaso   por a komprondé ku e hóben tabata basta serio den drecha su bida. Esaki lo a wòrdu hasí bou di guia di reclassering pero esaki no a resultá.  Por a komprondé di representantenan  di reclassering ku Celestin tabata basta serio den biba un bida positivo. E tabata risibí pago paso e tabata traha pa un fundashon. Debí na lockdown e fundashon no por a sigui duna Celestin trabou i  reclassering no por a yega trabou nan no por a mantené kontakto ku Celestin.  

Minimarket den Schonegevelstraat ku a wòrdu atraká.

Celestin ta detené for di aña pasa 16 di Aprel pa e kaso nan  di atrako ku e a kometé i a atmití di a kometé nan. OM a hasi lo máksimo pa por yuda e hóbennan, pero Covid -19 a stroba nan di hasi esaki. Fiskal a pidi un demanda  di 8 aña pa e hóben aki. Wes a splika ku debí na e sinseridat di e hóben i mirando ku e ta hopi yòn, tambe ku e hóben a bisa ku e lo ke sigui guia di reclassering e lo no bai honra e petishon di fiskal. Pero wes a bisa ku esaki no ta kita e echo ku e hóben a kometé e atrako nan aki. Wes a duna e hóben un kastigu di 4 aña di kual 2 ta kondishonal un tempu di prueba di 3 aña i tambe e hóben aki mester bai bou di guia di reclassering.

Login