Back to Top
Responsive image
E korant di pueblo

Whatsapp lo delete bo akount si bo no dune permit pa kompartí bo informashon personal ku Facebook


January 8, 2021 • 1 minüt pa lesa

Wasington DC,– Whatsapp ta kambiando su término di uso kaminda nan ta bai fòrsá tur hende ku ta usa Whatsapp pa kompartí nan fata ku Facebook. Ku òf sin Facebook, Whatsapp ta bai kompartí informashon inkluyendo bo number di telefòn i e áreanan ku bo tabata na dje.

Djarason Whatsapp a kuminsá informá su usadónan ku nan ta bai kambia nan término di uso. Den e kaso aki e término di uso nobo ta enserá ku Whatsapp ta bai kuminsá kompartí informashon personal di su usadónan ku Facebook. Informashon nan manera bo ken ta bo kontaktonan di Whatsapp, bo number di telefòn i asta bo lokashon Facebook lo risibí.

Segun un bosero di Whatsapp i Facebook, Whatsapp ta bai kompartí e informashon aki ku Facebook pa integrá e Facebook Chat mas mihó den e servisio di Whatsapp. Akaso un usadó no aseptá e término di uso nobo aki, e usadó lo pèrdè akseso for di nan Whatsapp riba 8 di Febrüari 2021.

Hendenan ku ta kritiká e moveshon aki di Whatsapp ta rekomendá tur hende pa kuminsá otro servisionan pa manda mensahe. Segun ekspertonan Telegram i Slack ta mihó alternativa ku Whatsapp.

Apesar ku Whatsapp ta propaganda ku nan mensahe nan ta “encrypted” nan ta kolektá e siguiente informashon nan: bo IP adrès, bo lokashon, bo lista di kontakto(nan number di telefòn), bo transakshon nan online, bo informashon finansiero,   bo number di telefòn i otro informashon nan di bo akount.

Login