Back to Top
Responsive image
E korant di pueblo

YDK Brandley Kuwas kampion ku Al-Jazira na Emiratonan Arabe


May 12, 2021 • 1 minüt pa lesa

UEA—Ku triunfo ku skor di 3-1 ayera, e ekipo di Al-Jazira a logra e titulo máksimo di futbòl na Union di Emiratonan Aarabe, den UAE League di futbòl. Ta trata aki di e ekipo ku ta konta ku e mediokampista ofensivo, kende ta parti di nos ekipo nashonal di futbòl, Brandley Kuwas.

Despues ku nan tabatin bentaha di 2-0 ayera, den wega ku a mira akshon riba tereno di stadion Mohammed Bin Zayed, nan a bin logra triunfo ku e skor ariba menshoná riba e ekipo di Khorfakkan.

Brandley kende no tabata ku nos selekshon nashonal na mart último, den nos promé 2 kompromisonan di Grupo C di Concacaf, ayera a inisiá i a hunga te ku 76 minüt, na momentu ku e la wòrdu remplasá.

Despues di a djòin e ekipo di Al-Jazira e temporada aki i tabata parti di e ekipo básiko, Brandley Kuwas i su kompañeronan di e ekipo ta logra e titulo máksimo.

Awor di ta pa keda den ritmo di wega, pa asina por ta presente i ta skèrpi, pa kompromisonan di selekshon di Kòrsou, pa finalisá Grupo C di Concacaf otro luna i klasifiká pa e di 2 buèlta riba e ruta pa mundial di futbòl FIFA na Qatar otro aña.

Login