Willemstad,– Señora Zulaika Mook di sektor di Desaroyo Ekonómiko i Inovashon a splika durante konferensha di prensa ku ta bon pa rekordá ku e supsidio di NOW ta pa empresanan ku tin empleado i e meta ta pa tene empleadonan na trabou, pero tin kondishon mara na esaki i kompanianan tur luna mester a tene nan mes na esaki.
Den aprel e pèrdida di entrada mester tabata 25% despues esaki a bira 40 i di yüni te awor e kompania mester tin por lo ménos 25% di pèrdida pa e bini na remarke.
Tin 23 sektor ku por hasi e petishon aki i e supsidio di NOW ta 60%. For di mei e trahadó tambe mester a entregá 20%, pero esaki ta mará na kompania ku hasi petishon pa NOW i si na no hasi esaki, nan no por kita e 20%.
E 20% aki ta riba e pèrdida di entrada ku e kompania a hasi, pues no kompleto riba su salario. Loke e kompania si a generá na entrada mester kubri e salario.
Pa loke ta e loke a keda entregá na yudansa, den 2020 aprel te desèmber . Den kuminsamentu hopi kompania tabatin e nesesidat, pero despues el a bira 450 kompania kual ta e promedio te awor. Den desèmber el a subi un poko, mirando e medidanan di toke de keda i tambe lei seku, kual a pone ku sierto kompanianan no pro a drai, òf tabata drai riba un mímiko, tambe kódigo oraño ku Hulanda a pone, a sòru ku no tabatin turista kual tambe a baha e bentanan.
Aprel 2020 tabatin un total di 3457 petishon ku a keda entregá di kual 3070 a keda aprobá pa un total di 4.01 mion.
Mei 2020 e kantidat di petishon tabata igual i 3022 a keda aprobá pa un total di 3.97 mion.
Yüni 2020 e kantidat di petishon tabata igual i 2664 a keda aprobá pa un total di 3.47 mion.
Yüli 2020 tabatin un total di 1522 petishon ku a keda entregá di kual 1374 a keda aprobá pa un total di 1.76 mion.
Ougùstùs 2020 tabatin un total di 1742 petishon ku a keda entregá di kual 1512 a keda aprobá pa un total di 1.93 mion.
Sèptèmber 2020 tabatin un total di 1679 petishon ku a keda entregá di kual 1503 a keda aprobá pa un total di 1.93 mion.
Òktober 2020 tabatin un total di 1692 petishon ku a keda entregá di kual 1536 a keda aprobá pa un total di 1.97 mion.
Novèmber 2020 tabatin un total di 1666 petishon ku a keda entregá di kual 1534 a keda aprobá pa un total di 1.99 mion.
Desèmber 2020 tabatin un total di 1766 petishon ku a keda entregá di kual 1589 a keda aprobá pa un total di 2.05 mion.
Pues 603 kompania a apliká i tabatin subida di 1 mion i total a duna 94.9 mion na yudansa di NOW.
Yanüari i Febrüari no ta kla ku pagonan paso mester kaba ku e kontròl, pero den Yanüari tabatin 419 petishon di kual 275 a keda aprobá pa un supsidio di 2.9 mion florin.
Den febrüari a risibí 368 petishon i a aprobá 378 ku ta suma 2.6 mion florin.
Esakinan ta loke ta 50% adelantá, pa parti di NOW tin kontròl di BAB mara na dje, pues e ta tuma un poko mas tempu pa kuminsá ku e pagonan. Pues 50% ta ser pagá adelantá i despues ku ta kla ku kontròl, nan ta haña e sobra pa mas tarda otro siman.
E último sosten ta esun di TVL (gastunan operashonal Fiho).
E kantidat di petishonnan entregá akinan tabata di 396 di kual 378 a keda aprobá dor di e sistema i 18 a keda desaprobá dor di e sistema.
Un total di 307 petishon (81%) a keda pagá miéntras ku tin 61 (16%) ku ta den tratamentu i 10 (31%) a keda desaprobá dor di kontròl.