BATHMEN—Durante un kontrol di tráfiko riba karetera A1 na Bathmen polis a deskubrí un maleta ku 20 kilo oro den un outo.

E outomobilista a keda kontrolá durante un kontrol rutinario alrededor di 23.00. Segun polis e outomobilista tabata nervioso. Den su outo tabatin un maleta grandi ku agentenan a bise pa habri. Den e maleta tabatin 20 kilo di bara di oro i prendanan segun polis. Un kilo di oro ta bal 60.000 euro. E hòmber no tabatin e dokumentonan korekto pa transporte di e kantidat di oro i a duna un deklarashon konfuso. Tòg e por a sigui su kaminda. E ta un sospechoso segun un bosero polisial. Polis a konfiská e oro. Investigashon mester determiná prosedensia di e oro segun RTV Oost.