AMSTERDAM—Polis a konfiská 928 dokumento di estado sekreto ku a lèk via un trahadó di servisio inteligensia NCTV.

E sospechoso a lek e informashon na Marokko. Tabatin 345 dokumento di AIVD i 65 dokumento di servisio di inteligensia militar MIVD, asina OM a bisa durante un kaso proforma den kua a presenta e investigashon. E trahadó Ab el M (64) a keda detené den oktober na Schiphol ora e kier a biaha pa Marokko. Segun fiskal e tabatin gran katidat di dokumento via stick riba dje. E ta riska un kastigu di 15 aña. E sospechoso a keda detekta pa un mensahe di AIVD, ku ta bisa ku posiblemente e ta un spion marokano. AIVD sa kun a su trabou el a print informashon di estado sekreto dos biaha den ougustus 2023. Tambe e servisio a meldu ku e sospechoso tabatin informashon di estado ta warda na su kas. Mas aleu, den 2020 e tabatin kontakto ku direktor di servisio di inteligensia marokano, ku regularmente e ta biaha pa Marokko i ku e direktor tabata regla vuelonan p’e.