Willemstad— Polis a haña nan ta detené un dama bai warda kuné kual a sali kas pa asina pasa den vários negoshi kue artíkulo bai kuné sin paga.

Tabata na e negoshi na Biesheuvel pa ta mas eksakto Goisco ku ya a tuma nota do e moveshon sospechoso di e dama aki. Einan ora a bai wak kámara a bin ripara ku ounke tin kontròl na porta e dama a logra di bandoná e negoshi den poder di algun artíkulo ku e la logra di sali bai kuné sin paga. Un ratu despues e personal di vigilansha atento na Centrum Supermarket a tuma nota di moveshon straño di un dama ora ku e kier a pasa e kassa ku algun artíkulo den su poder. Tabata na porta ora ku e dama tabata bai bandoná e supermarkado na Mahaai ku e personal di vigilansha a yam’é bin tende unda a bin top’é ku algun artíkulo ku e kier a bai kuné sin a paga pa esaki. Ya ku e negoshi aki tin un regla ku ta bisa si garabu ta hòrta mesora ta yama polis kual a ser hasi. Polis a presentá i mesora a detené e dama bai warda kuné i tambe a konfiská e artíkulonan ku e kier a bai kuné sin paga.