Abogado Alejandra a duna diferente punto dikon mester laga su kliente kai bou di lei penal di hóben.

NIeuwe Haven,– Abogado mr Alejandra a hiba un defensa sólido pa asina trata na aliviá e kastigu ku Sherticson N. mester bai sinta relashoná ku posishon di arma di kandela.

Mr Alejandra a indiká ku e no ta bai diskutí riba e echo di posishon di arma di kandela mirando ku N. mes a atmití di tabata den posishon di e arma di kandela riba 9 di yüli 2023.  Pero e abogado a duna su punto di bista tokante e kastigu ku fiskal a demandá. Fiskal a demandá un kastigu di 8 luna kaminda 4 luna ta keda kondishonal pa e próksimo 2 ña. Durante e temporada di prueba N. mester risibí guia di reklasering i tambe fiskal e demandá pa e akusado paga 14 mil na daño perwisio.

 Ta asina ku e abogado a pidi hues pa imponé lei penal hubenil mirando e edat yòn di e hóben i tambe basá riba e estado mental di e akusado, tin sufisiente indikashon ku lei penal di hóben mester ta na vigor. E abogado a indiká ku ainda N. ta dependé di su mayornan i basá riba rapòrtnan tin sufisiente indikashon ku e akusado no a desaroyá mentalmente komo adulto.

Tambe abogado Alejandra a enfatisá ku víktima D.W kende a haña bala den barika, mes a pidi outoridatnan pa no duna e akusado un kastigu muchu pisá. D.W a deklará ku si mester duna N. un kastigu, pa porfabor tene a kastigu na 1 luna. Sinembargo, despues di e suseso a resultá ku D.W no tabata ke a entregá un denunsia, pero basá riba rekomendashon, D.W a entregá un denunsia tòg. Den e denunsia por a nota ku kada bes D.W tabata enfatisá ku e suseso tabata un aksidente i ku ketubai D.W ta amigu di N.

Por sierto e defensa di abogado Alejandra tabata tin efekto riba e veredikto di hues, debí ku hues a indiká ku N. ., mester sinta e resto di su kondena den detenshon hubenil. Tambe hues a indiká ku N. mester paga 12 mil florin na daño perwisio. 10 mil florin ta debí na pèrdida di entrada di e víktima i 2 mil florin ta na daño inmaterial.