UTRECHT—Eksploshonnan ta keda asotá Hulanda den negoshi, kasnan i establesimentunan den horeka.

Djadumingu mardugá tabatin dos eksploshon den Rotterdam i Utrecht. Na Sint Maartendreef na Utrecht den bario Overvecht tabatin un eksploshon alrededor di 4.30 dilanti un establesimentu den horeka. No tabatin heridos, segun polis. No tin informashon di e motibu, polis ta hasi investigashon. den un negoshi di tabako den Vierambachtstraat den sentro di Rotterdam tambe tabatin un eksploshon. Tabatin un tiroteo tambe riba e negoshi segun polis. Via imagennan di kamara polis ta purba wak kiko a pasa presis. No tin ningun pista di e sospechoso(nan) di e dos insidentenan. Polis ta pidi testigunan pa meldu. Den último tempu tin hopi eksploshonnan, prinsipalmente den Rotterdam. Mayotia lo ta relashoná ku menasanan den baho mundu. Asina anteriormente den siman tabatin un eksploshon kaminda a skirbi irba e muraya ‘paga’.