Ayera nan a yega Kòrsou pa asina awe nochi nan ta huntu ku grupo Vise Versá. 

WILLEMSTAD,—-Ayera den ora nan lat di mainta músiko nan di agrupashon musikal Buleria a yega Kòrsou kaminda ku awe tardi bai kue anochi nan lo bai ta huntu ku grupo di Karnaval Vise Versá.

Ta asina ku djadumingu tras di lomba grupo Vise Versá a pasa den kaya ku dos agrupashon musikal i un dj. E dos banda nan tabata GENTZ TRE’CHIC i HYPE ku a keda forma pa kompaña Vise Versá i huntu ku nan Dj Raynys Faries. Mester bisa ku ámbos agrupashon musikal a zona bestial durante di e marcha di karnaval.

Pa  awe tardi bai kontra anochi sigur miembro nan di grupo Vise Versá lo ba ta djente afó,paso awe nan lo bai tin tres agrupashon musikal i un dj ku ta bai perkurá pa e parti di músika. Ya e dos banda nan i e dj ta konosí  i awor ta bin aserka direktamente for di Aruba agrupashon musikal Buleria ku sigur ta rekonosé komo un agrupashon musikal ku ta master den ponementu di ambiente.

E aña aki Buleria no a partisipá den festival di tumba aki na Kòrsou,pero si nan tei awe nochi pa loke ta trata despedida di gran marcha 2024.