BAHIA SANTA ANA- Curaçao Ports Authority (CPA) ta firma akuerdo di Puerto Hermano ku Havenbeheer Suriname, asina formalisando un kolaborashon pa eksplorá aktividat komersial entre e dos puertonan.

E akuerdo lo atendé tópikonan riba tereno di karga, infrastruktura, desaroyo krusero i servisionan marítimo relatá na entre otro e industria petrolero i gas. E minister di desaroyo ekonómiko, señor Ruisandro Cijntje, Kònsùl General di Sürnam i presidente di hunta di komisario di CPA a presensia e akto di firmamentu entre e gerensianan di CPA i Havenbeheer Suriname. CPA kontinuamente ta sigui buska pa fortalesé su relashon ku puertonan rònt mundu ku tin un balor agregá pa e puerto di Willemstad a traves di akuerdonan entre puertonan i entidatnan marítimo prominente manera Port of Miami, Port of Rotterdam, Panama Canal Authority, Port of Sans Souci, Haina International Terminals, APORDOM, Aruba Port Authority i Kingston Wharves