Vehíkulo ku a okashoná e aksidente di bòltu.
Willemstad— Un aksidente ku basta daño material i dos persona leshoná ta loke a tuma lugá den oranan di mardugá riba Caracasbaaiweg.
Foto di investigashon preliminar a bin saka afó ku un dama manehando un vehíkulo di e marka Hyundai koriendo riba Caracasbaaiweg den direkshon di Saliña a bai pasa un fila di outo. Dado momento e no por a hala bek na su man robes pa asina por a drenta entre di e fila kual a pone ku e la bai dal kasi frontal kontra di un Tercel ku tabata aserkando. Esaki a pone ku dos vehíkulo mas ku tabata riba e karetera a bin haña daño material. Shofùr di e tercel a keda pega den su vehíkulo i mester a pidi yudansa di e tim di reskate pa asina por a kòrtá e vehíkulo pa por a saka e shofùr. E shofùr di e tercel a sufri tantu man i pia fraktura. E dama ku a okashoná e aksidente tambe mester a bai CMC pa asistensia médiko. Polis i Forensys a sera e kaya pa asina por a hasi mas investigashon.