Nieuwe Haven, — Hopi ta e personanan ku ta bin dilanti korte pa motibu ku nan a haña un but ku nan ta pensa ku no ta hustu.
Sea un nan a lora drenta un hanchi sin saka “richtingaanwijzer”, pasa den un lus korá, no tabatin nan seguro huntu ku nan etc. Tin hopi kaso ku ta e polis ku a traha e “procès verbal” su palabra kontra di e shòfur di e outo. Den kasonan asina ki, wes ta duna e “procès verbal” traha dor di e polis hopi peso pa motibu ku el a hura di hasi esaki segun su sano huisio. Wes no ta sali for di e punto di bista ku un polis ta gaña pero ku e ta papia bèrdat. Di otro banda tin hopi suidadano ta bin den sala di korte pa buska nan razon i nan ta haña esaki tambe. Kada suidadano ku no ta di akuerdo ku un but ku nan a risibí, por bin dilanti ku esaki.