Back to Top
Responsive image
E korant di pueblo

Den sierto kasonan na Kòrsou: E situashon ta bira pió ora bo hasi denunsia di menasa


October 4, 2021 • 1 minüt pa lesa

Nieuwe Haven: Hopi biaha den sala di korte di promé instansha, wesnan ta bisa e akusado, ku e por a bai polis enbes di kumpra un arma di kandela pa defendé su mes. Esaki despues ku e akusado a keda menasá pa un hende den su área.

Segun un persona ku ta sigui hopi kaso, na promé instante, wes tin rason ábase di normanan i lógika en general. Pero tin sierto barionan ku esaki por resultá pió pa e persona, ku a keda menasá. Ora e bai hasi denunsia na polis, e ta pèrdè mas ku el a gana.

Tin hopi ehèmpel kaminda un hende ta hasi denunsiá di menasa, ku despues ku polis atvertí e personanan aki, nan ta kana pafó bèk. Òf despues di a kai será un ratu, nan ta afó bèk.

Tin biaha tambe ku e persona ku ba hasi denunsia riba dje, ta manda otro hendenan pa bin pa bo i bo famia. Pues e kaso ta bira pió. Pa e motibu aki, hopi hende no ta hasi denunsia i ta skohe pa kumpra un arma di kandela pa nan protehá nan mes i nan famia.

No mas ku siman pasá, tabatin un kaso kaminda un hóben a kai será pa posishon di arma di kandela. Segun e hóben aki, 2 biaha el a hasi denunsiá na polis ku un hòmber a maltrat’é i menas’é. E hòmber ta riba kaya ainda i e hóben ta bisa, bo no sa nunka ki ora algu por pasa. Ora kos ta pasando, polis no tei. Pa e motibu aki, e hóben a buska un arma di kandela pa protehá su mes i su famia.

Login