E kantidat i tipo di droga no a keda spesifiká.

CIUDAD DE PANAMA – Outoridatnan di seguridat di Panamá a informá di hayasgo di dos kargamentu di 750 pakete di droga, un di kua a keda detektá na un puerto di Karibe panameño prosedente di Chile i ku tabata ku direkshon Spaña.

E hayasgo di e pakete nan, kua no a determiná ni nan peso ni nan tipo, a keda hañá pa agentenan di Servisio Nashonal Aeronaval, skondé den un kònteiner na un puerto di e provinsia di Colon.

E supstansia ilegal tabata bini di Chile ku destino pa Spaña.

Otro kantidat di pakete nan di droga, ku tabata skondé den sakunan di produkto nan agríkola, den un trùk di karga, a keda hañá pa e unidat di Servisio Nashonal di Frontera.

Durante e luna di yanüari outoridatnan a sa di haña mas di 7 tòn di droga.

Aña pasá, outoridatnan panameño a haña 119.2 tòn di droga, miéntras ku den 2022 a haña e kantidat di 138.41 tòn di droga, di kua 108.82 tabata kokaina.

Panamá ta keda utilisá komo un brùg di e droga ku ta keda produsí na sur Amérika, ku destino prinsipalmente Estádos Unídos, kua ta e mayor konsumidó di kokaina di mundu i tambe Oropa.