ROTTERDAM—Alkaldenan regularmente ta sera kasnan kaminda ta haña droga inhustamente pasobra no por midi e efektonan.

No ta kla si sera e bibienda ta kondusí na menos kriminalidat. Famianan ta keda pusha mas serka den mannan di kriminalnan, segun un investigashon nobo. Ta trata di un investigashon di Omroep Brabant den koperashon ku NOS Nieuws. Den e investigashon a wak 350 sentensia den último dos aña riba seramentu di edifisionan kaminda a konfiská droga. Den e investigashon ta indiká ku alkaldenan no a evalua e efektonan pa habitantenan. Esaki mientras e impakto ta enorme; hende ta result ku henter famia riba kaya. A base di lei di Opio alkaldenan por kuri ku habitantenan di un edifisio temporalmente si polis a haña droga den e kas. Por ta trata di un plantashon di mariwana of kantidat di kokaina. Den 50 kaso hues a haña e medida di sera e bibienda/edifisio un medida desproporshonalmente pisá. Tin kas kaminda tabatin mucha ku a result riba kaya òf ta trata di habitantenan vulnerabel ku no ta direktamente envolví den trafiko di droga. Ademas, habitantenan ta bini riba un lista pretu i no por haña kas fasil mas. Segun profesor Vos nunka no tabatin prueba ku e medida aki ta yuda baha kriminalidat.