Mota, kende aparentemente lo a abusá di propio yu muhé.

RIO DE JANEIRO – Outoridatnan brasilero a detené e eks senador Telmário Mota, akusá di realisá asesinato di un muhé, ku kua e tabata sostené un relashon amoroso, i tambe di violá ámbos su yu muhé.

Mota, di 65 aña i ke de a okupá e stul di Senado entre 2015 i febrüari tras di lomba, a keda detené na Nerópolis, un siudat chikí na estado sentral di Goias, unda e tabata skondí den kas di un amiga.

Segun e akusashonnan, Mota a kontratá dos pistolero pa asesiná Antonia Araujo de Sousa, un muhé ku kua e tabatin un relashon ekstramatrimonial, di kua su yu muhé a nase.

Segun outoridatnan, e hóben aki ta kende aña pasá a denunsiá su tata pa abusu seksual, i su mama tabata su testigu prinsipal. Pa e mesun motibu ta sospechá ku a disidí di asesiná e muhé dia 29 sèptèmber tras di lomba, tres dia promé ku e kaso keda hibá dilanti.

Mota a inisiá su karera polítiko na Boa Vista na 2005, ora el a keda elegí komo konsegal di su Partido Demokrátiko Laborista, i despues elegí komo senador na 2015.