WILLEMSTAD—-Direktiva di ENNIA a tuma nota di algun inkietut rondó di kambionan di montante mensual di penshun di un empleado di CMC.

Nos kier a aklará ku e kaso aki no tin di aber ku e situashon aktual di ENNIA. Manera ya ta konosí, huntu ku Gobièrnu di Kòrsou, Banko Sentral i demas partidonan envolví, nos ta den un trayekto di solushon positivo i duradero pa nos klientenan.   

Tin diferente tipo di areglo di penshun ku un kompania por sera pa su trahadónan. Esaki ta keda na kada kompania kiko nan ta skohe.  

Den un kontrato di penshun kolektivo basá riba e asina yamá ‘Beschikbare premieregeling’, e montante di penshun ta dependiente di entre otro:

• * e montante di kapital akumulá

• * e tarifa pa kumpra penshun aplikabel (esaki ta keda stipulá mediante e tabla di mortalidat).

Ta importante pa bo ta na altura di bo propio areglo di penshun. Bo por risibí e informashon aki serka e departamentu di rekurso humano òf bo doño di trabou.

Si bo tin kualkier pregunta riba esaki, e departamentu/doño di trabou lo tuma kontakto ku ENNIA.