Parlamentario Michelangelo Martines ta bisa ku e reunion pa trata e asuntu di plaka di fakansi ta importante .

Willemstad,– Parlamentario Michelangelo Martines a splika Vigilante ayera ku Frakshon di KEM ayera mes a saka un karta ku a bai pa presidente di Parlamento en konekshon ku e reunion ku a wòrdu di skòrs pa un siman kaminda lo mester trata e asuntu di plaka di fakansi pa trahadónan públiko i tambe maestronan di skol.

E ta bisa ku ya ta bayendo 2 siman kaba, pero ku e no a tende nada ainda tokante di e reunion ku lo mester trata e punto di agènda “sèn di fakansi pa ámtenarnan i maestronan di skol”. Señor Martines ta sigui bisa ku mirando ku ta di hopi importansha pa e reunion aki por kontinuá mas lihé posibel pa nos ámtenarnan i nos maestronan di skolnan por haña un klaridat tokante di nan plaka di fakansi, frakshon di KEM a manda un karta pues pa e presidente di parlamento kaminda ta puntra ki dia e reunion aki lo kontinuá.