Umaña, minister di komersio, industria i turismo di Colombia.

BOGOTA – E minister di komersio, industria i turismo di Colombia, German Umaña, a indiká ku Venezuela por tin e mayor kresementu di Latino Amérika den e próksimo dékada. I ademas el a pronostiká ku den 2026 e interkambio komersio entre ámbos paisnan lo por alkansá asta 4.500 mion di dòler.

Umaña a terminá, den oranan di djaweps tras di lomba, un bishita na Estádos Unídos, den kua a reuní ku representante komersial estadounidense, Katherine Tai, e supsekretario di komersio estadounidense, Don Graves, entre otro dirigente nan.

E minister a señalá den un entrevista na Washington, ku no por spera e nivelnan di 208 den e komersio entre Colombia i Venezuela, ora esaki a sa di alkansá 8.000 mion di dòler. Sinembargo, Umaña a kalkulá ku na 2026 lo por yega aproksimadamente na 4.500 mion di dòler, 60% di e bon temporada.

Tambe a afirmá ku e akuerdonan di invershon a pone ku komersio e aña aki por suponé alrededor di 1.300 mion di dòler.

Umaña ademas a afirmá, ku tur esaki si solushoná e problemanan demokrátiko, ekonómiko i di sanshonnan. Di e forma aki Venezuela lo por ta e pais di mayor kresementu den Latino Amérika den e próksimo 10 òf 12 añanan.

Di mesun forma, a mustra e boluntat di Colombia di kompañá Venezuela den su rekonstrukshon i den e interkambio di invershon.

Relashonnan ku Estádos Unídos
Di otro banda, Umaña a indiká ku e asina yamá “kambia di lenguahe” di relashon komersial ku Estádos Unídos, tei apesar ku no tabatin ningun renegosashon.

E bishita di Umaña na Washington a keda marká pa un seri di enkuentro ku paisnan oksidental pa trata reindustrialisashon, turismo i komersio eksterior, meskos ku tambe e transishon energétiko.