VLISSINGEN—Habitantenan mes a pone un monumento di sklabitut na Vlissingen despues ku munisipio a ninga.

E konseho munisipal di Vlissingen a vota kontra un monumento. Presidente di Keto Koti Zeeland Angelique Dijndam a pone e monumento ayera mainta huntu ku e artista Zeus Hoendeop a desvelá e monumento. E ta papia di un inisiativa di siudadano. Mi ta spera ku nan ta laga e monumento para, el a bisa RTL Nieuws. Ta un monumento bunita, simpel pero fuerte, no muchu masivo, robusto, ku ta kuadra ku Vlissingen. Den 2021 un moshon a pasa pa investigá pasado sklabitut na Vlissingen, segun Duijndam. Tambe a papia di diskulpa i e monumento. E investigashon a indika ku den siglo 18 Vlissingen a hunga un ròl grandi den trafikashon di katibu. A resultá ku entre 1750 i 1782 Vlissingen tabata e siudat den Oropa ku mas a gana ku trafikashon di katibu. Alkalde di Vlissingen Bas van den Tillaar tin plan pa duna diskulpa awe merdia. A honra e petishon di eksusa, pues ta honra e monumento mes tambe segun Dijndam. Segun e presidente di Keti Koti Zeeland e kolegio munisipal a vota kontra e monumento pasobra ya tin un monumento na Middelburg, loke nan ta haña sufisiente. E monumento a keda pone riba boulevard kaminda e barkunan a mara ku a bini di Afrika segun Dijndam. E no tin miedu ku nan lo destruí e monumento. Apesar ku nos ta biba den un mundu poko loko, mi tin e sentimentu ku hendenan tin respèt pa sierto kosnan, pero kisas mi ta poko ignorante, segun Duijndam. Si e tin miedu ku e munisipio ta kita e monumento, pasobra ta un inisiativa di siudadano. E ta spera ku e siudat ta realisá ku e siudat meresé un monumento. E munisipio di Vlissingen a tuma nota di e monumento, segun un bosero. Riba termino korto nan lo tuma kontakto ku e inisiadónan i invitá nan pa un kombersashon. Riba preguntanan kiko munisipio ta pensa di e monumento òf si nan lo mantene òf adoptá, e bosero no por a kontesta. Promé ta bai hiba kombersashon.