Ademas di e hobensita heridá tabatin tambe víktimanan mortal den e insidente.

BOGOTA – Un mucha di 13 aña di edat a resultá heridá despues ku e bùs eskolar den kua e tabata biaha a keda alkansá pa tiru nan supuestamente di un grupo di FARC, na e departamento di Cauca. Esaki den algun atake ku tambe a laga saldo di dos morto.

E vehíkulo ku tabata transportá e menor nan di edat di La Brasilia pa e institushon edukativo di Piamonte, na Cauca, den oranan di djaluna mainta. Segun a indiká esaki tabata move na e sitio, ora lamentablemente el a sufri algun impakto di bala.

Ademas di e mucha muhé di 13 aña, otro mener tambe a resultá heridá. Ámbos a keda transportá pa un sentro médiko di e kapital bisiña pa asina por risibí atenshon médiko na un mihó nivel.

Di otro banda a risibí informashon di dos víktima mortal na e mesun sitio aki, pero tur kos ta indiká ku lo por tin mas.

Na Piamonte, un lokalidat serka di frontera ku Ecuador, ta eksistí ya pa dos aña kaba un alerta pa Defensoria del Pueblo, ku ta avisá di e rísiko nan pa poblashon na frontera pa problema entre grupo di FARC i otro grupo nan.