Un multitut a subi kaya eksigiendo salida di Ariel.

PORT-AU-PRINCE – Un klima di insertidumbre total ta loke ta keda sintí na Haiti, ku ta kontené respirashon riba e dia di ayera, 7 di febrüari. Esaki ta e fecha riba kua e mandato di e promé minister Ariel Henry ta finalisá. Esaki segun akuerdo nan firmá na dezèmber di 2022 ku e representante nan di partido nan polítiko, organisashon nan di sosiedat sivil i miembro nan di sektor privá.

Den e último ora i dianan a intensifiká e manifestashonnan antigubernamental, den un konteksto ku a obligá di sera skol nan i reanudá konflikto nan armá entre e gruponan, kua a provoká huida di míles di persona for di nan bibiendanan.

E akuerdo polítiko “Konsenso Nashonal pa un Transishon Inklusivo i Elekshon nan Transparente”, ta stipulá ku Henry lo a keda promé minister te ku dia 7 di febrüari, pues ayera.

E teksto aki ta inkluí, ku entre otro disposishon nan, e kreashon di “Alto Konseho pa Transishon i un Órgano di Supervishon di Akshon Gubernamental”, meskos ku tambe un periodo di transishon di 14 luna lo inkluí un elekshon general.

Segun e akuerdo, e promé minister i e otro minister nan no por partisipá den e elekshon nan aki.

Trinta luna sin resultado
Aparte di kreashon di esaki, durante e gobièrnu di Henry no a kumpli ku ningun di ophetivo nan i promesa nan formulá i ta leu for di selebrá elekshon nan.

Pues, dia 7, esta ayera, tabata suponé di marka e salida di Henry, krea do un bashí institushonal na e pais ku no tin representante elegí for di algun aña kaba. Tur esaki debí na e inkapasidat di organisá votashon nan na tempu pa renobá mandato di representante nan elegí ku ekspirá.

Den e último siman nan a reanudá e petishon nan di dimishon di Henry, di parti sektor i partido nan opositor, meskos ku tambe intensifikashon di e protesta nan antigubernamental na henter e pais, eksigiendo su salida.

Skol nan será
Mas di mil skol a keda será na Haiti komo kousa di e teror di banda nan armá, segun un enkuesta di e Koalishon di Hóbennan Haitiano, kua ta afektá prinsipalmente e departamento di Artibonite i Ouest, esun nan pas poblá di e pais i asolá pa e violensia di grupo nan armá.

Mayornan ta ninga di kore rísiko di manda nan yu nan skol pa esaki nan no bira otro víktima mas.

Vários shen mucha simplemente ta pèrdiendo aña nan eskolar, despues di e inisio di e situashon na 2018,