ROTTERDAM—Ministerio Públiko ta start un investigashon penal riba e tekstonan rasista ku a keda proyektá riba Erasmusbrug durante kambio di aña.

OM ta di opinion ku e ekspreshonnan ta kastigabel. E tekstonan a keda proyektá 12’or mardugá en punto riba e brug i por a mira esaki na televishon durante e transmishon bibu durante kambio di aña via RTL. Ta trata di tekstonan manera White lives matter’ i ‘safe white race’. E teksto ta di sirkulonan ekstremo derecho. Ta un slogan di neonazi terorista merikano David Lane ku ekstremistanan ta kere ku e rasa blanku ta muriendo di imigrashon i meskla di rasanan. A base di e konteksto ku a usa e ekspreshonnan OM ta kere ku ta trata di diskriminashon. Libertat di ekspreshon ta un dje derechonan fundamental den lei hulandes. Bo por bisa kiko ku bo ke pero tin limite na libertat di ekspreshon. Un di nan ta ku no mester provoka diskriminashon of insulta otro gruponan den komunidat. Miembronan di Telegramgroep White Lives Matter di Hulanda i Alemania ta tras di e akshon rasista. Nan ta bisa ku ta un akshon kordiná ku e meta pa publiká un mensahe pro-blanku. E tekstonan a soru pa bastante konmoshon. Buri antirasista RADAR ta preokupá ku poblashon di Rotterdam ta sinti nan mes insigur ku e tekstonan i frakshonnan lokal di PvdA i Bij1 ta kondena e tesktonan i a manda pregunta riba e kuestion. Alkalde Buijt a bisa ku e tekstonan ta brutal i polarisante. Di otro banda Forum Democratie a bisa ku ta bunita ku e aña ta kuminsa bon.