UTRECHT—Hospitalnan a registrá un oumento di pashentnan ku corona den último dianan, ku a subi ku mas di 100 hende.

E kantidat total di pashentnan ku corona a oumentá for di djabièrnè ku mas di 100 pashènt. Den awa riool tambe a detektá mas virus. Aktualmente hospitalnan tin 633 pashènt ku corona, ku ta e kantidat mas hopi for di mart, 8 luna pasá. Henter novèmber e okupashon tabata stabil ku 500 pashènt. Entre djaluna pa djamars 168 hende a drenta hospital ku kehonan di corona. Esaki ta e fluho mas grandi pa un dia for di medio mart. No ta konosí kuantu hende ta kontagia pasobra e programa di tèst riba gran eskala a stòp. Instituto di Salubridat RIVM ta vigilá e kontagio via awa riool. E konsentrashonnan a subi den ultimo simannan na un nivel haltu. No ta un sorpresa ku e kontagionan a subi. E virùs ta plama mas lihé den fin di aña. pa e motibu aki gruponan di risiko a haña nan bakunashon booster den oktober pa reforsá nan sistema. Den último siman algu mas ku 200.000 hende a tuma e prek, ku ta mas abou ku e simannan anterior. Un total di 2,3 mion hende a keda bakuná. E bakunashon ta kore te 22 desèmber. Despues ta sigui ku hendenan 60+, di kua 43% ta bakuná segun RIVM.