WILLEMSTAD – Korte a postulá un kaso sivil riba tereno farandulero. Ta trata aki di un kaso ku Decoded a entamá kontra e kantante Brian Dekkers. E abogado dje kantante a pidi Korte mas tempu promé ku trata e kaso ku Decoded a entamá kontra dje.

E kantante tin un problema ku un kansion ku su bos riba, ku Icons a pone riba e plataforma YouTube. E la raportá e kansion aki na YouTube pidiendo asina pa baha esaki, loke a pasa tambe. E manager di Icons, Decoded na su turno a entamá un huisio sumario kontra e kantante, ku e meta pa laga YouTube pone e kansion bèk riba e plataforma. Pero no por a trata e kaso ayera ku tabata planiá di kuminsá mitar di 3 di atardi. E kaso a keda posponé pa otro fecha.