Back to Top
Responsive image
E korant di pueblo

Lei di emergensia ta drenta na vigor: parlamento ku reunion di urgensha


December 11, 2020 • 1 minüt pa lesa

Willemstad,– Promé minister señor Eugene Rhuggenaath a splika durante rueda di prensa ayera ku ayera mainta e lei di estado di emergensia a drenta na vigor ora ku a deklará estado di emergensia ku firmamentu di e dekreto nashonal di promé minister i gobernadó i el a ser mandá pa parlamento kendenan tin e tarea pa evaluá esaki i si ta nesesario reuní pa nan tuma desishon ku nan ta sinti ku esaki no ta nesesario i pa nan tuma desishon riba esaki.

Señor Rhuggenaath ta splika ku esaki ta e balansa ku tin den e lei aki kual a kousa basta diskushon den komunidat.

“E dekreto pa deklará un estado di emergensia konforme artíkulo 2 di e lei, ta dirigí direktamente na e pandemia di Covid-19”, pues promé minister Eugene Rhuggenaath.

E ta splika ku e medidanan ku a  tuma te awó no tabata sufisiente pa por a kontrolá e parti pa loke ta regla. “Mirando e sifranan ku a bin ta eskalá, ta bale la pena tambe pa eskalá e medidanan usando e lei di emergensia pa 90 dia”, asina e minister di asuntunan general a duna di konosé.

E ta enfatisá ku esaki ta nifiká ku lo publika e dekreto nashonal i e areglonan ministerial den kual ta bai stipulá e reglanan i kon ta bai kòntròl i tambe e posibel sanshonnan mara na esaki. Promé Minister a bisa den konferensha di prensa ku esaki lo ta den mesun  liña ku e medidanan ku tabatin te awor.

“Si e sifranan di kasonan positivo pa dia bin ta redusí, esaki ta pone ku por deskalá bèk, kual ta keda semper e intenshon di e aktual gobièrnu”, pues Eugene Rhuggenaath. Awe merdia 2’or parlamento a pone un reunion di urgensha.

Login