Presidente venezolano, Nicolas Maduro, den fin di siman a kambia su gabinete.

CARACAS – Nicolas Maduro a kambia su ministernan di e kartera nan di Komersio Nashonal, Komuna, Trabou i Muhé i Igualdat di género den fin di siman tras di lomba. Esaki ta un desishon ku e mandatario a tuma ku e nesesidat di sigui avansá den fortalesementu di su ekipo di gobièrnu, segun e mes a indiká.

Jorge Arreaza, antiguo vise presidente, a laga e ministerio di komuna i a pasa komo representante di Alianza Bolivariana pa Pueblo nan di Nuestta America, ALBA. Esaki segun loke a keda indiká pa Nicolas Maduro via di su kuenta di Twitter.

E minister nobo di Komunas ta Guy Vernaez, kende ta bini di e Konseho Federa\l di Gobièrnu i ta estrená riba lista di mitar nan di ehekutivo.

Di otro banda, e teniendo i koronel Luis Antonio Villegas ta asumí e kargo di minister di Komersio Nashonal, un kartera den kua e tabata traha komo vise minister, Maduro a pidié efisiensia máksimo pa sustituí Dheliz Alvarez.

E funshonario a pasa pa okupá e Ministerio pa hende Muhé i Igualdat di Género den sustitushon di Diva Guzman. Maduro a afirmá ku e ta regresá na su puesto komo diputado pa Asamblea Nashonal i lo kumpli ku otro tarea nan spesial. Esaki sin duna muchu detaye.

E mandatario ta kere ku Alvarez, kende a liderá durante dos temporada, e kartera di Komersio Nashonal, lo reimpulsá i priorisá e emprendimentu di hende muhé i otro proyekto nan importante di inklushon sosial i empoderamentu.

Ademas, Francisco Torrealba a laga e Ministerio di Trabou, regresando na su puesto komo diputado, unda lo e keda relevá pa Alexis Corredor.

E kambio nan aki ta keda produsí mei mei di Foro di Diálogo Sosial ku ta keda mantené pa e gobièrnu ku gremio i empresario nan, ku yudansa di Organisashon Internashonal di Trabou.

Esaki pa asina akordá un método di fihashon di salario mensual, miéntras ku míles di trahadó a protagonisá protesta nan pa eksigí oumento.