WILLEMSTAD,—-Mañan anochi 8 or, ta bai tin otro edishon di e sertámen , “Miss Teen Curaçao International 2021”, ku su tema lo bai ta ‘Alegirá’. T’asina ku e sertámen ta tuma lugá na Marriott Hotèl. Na tur seis damita ku ta partisipá den e dicho sertámen.

Mas aleu mester bisa ku esaki ta e di dos edishon di “Miss Teen Curaçao International”, esun promé a tuma lugá na aña 2019 i esaki a keda dediká na Fundashon Sinta Ros. T’asina ku aña pasa pa motibu di COVID-19 e dicho sertámen no por a tuma lugá, pero e aña aki si e ta tuna lugá, i esaki lo bai dediká na Fundashon Pro Bista.

Durante di e sertámen lo saka 3 representante, ku lo  representá Kòrsou den e sertámen nan di beyesa di teenager mas grandi na mundu. E tres sertámennan internashonal lo bai ta Miss Teen  Mundial,Miss Teen Americas i TEEN Universe.

 E sertámen  Miss Teen Curaçao International ta enfoká pa krea lidernan pa nos komunidat  tur aña  ta traha ku un fundashon ku sea ta un tabú òf no ta konosí. E seis partisipante nan, ku ta partisipá den e gran final di mañan anochi ta 1. Suenthely Henriette di Montaña Abou. 2. Gilyen Martha di Rancho. 3. Da-Xia’N Philipa di Buena Vista. 4. Kimberly Acosta di Mahuma. 5. Ruviënné Otto di Steenrijk . 6. Ma-eezja Martis Prins di Sun Valley.

Manera ya ariba menshoná, e aña aki e sertámen aki ta dediká  na Fundashon Pro Bista.  Tur  e damita nan aki, a traha 8 luna ku e fundashon menshoná i kada un a haña un 1 luna ku nan mester a hinka bèk den komunidat di Kòrsou. Mas aleu mester bisa ku e sertámen ta keda transmití riba www.vigilantekorsou.news. Pa haña aseso, mester kumpra karchi serka e partisipante nan i òf direktiva di e organisashon. Esaki ta e úniko manera pa por wak e sertámen di “Miss Teen Curaçao International 2021”. Pa mas informashon tokante di karchi por yama na number di telefon 516-3947.