Kantidat di pakete nan di kokaina ku a keda lokalisá.

BOGOTA – Outoridat nan di Colombia a lokalisá un total di 804 kilo di kokaina den un operashon realisá na Urabá, na Caribe Kolombiano.

Armada kolombiano tambe a detayá den un komunikado ku e dos tripulante nan di e embarkashon, ku tabata pretendé di yega Sentro Amérika ku e droga, a keda kapturá i poné na disposishon di hustisia.

E trafikante nan a intentá di hui hasiendo algun maniobra evasivo, pa kua a inisiá ku un persekushon ku a terminá na nortost di Mulatos, departamento di Antioquia.

Despues di kontrolá e embarkashon a haña 32 bulto ku tabata kontené 800 pakete ku tabata kontené 804 kilo di kokaina, ku aparentemente tabata pertenesé na e Clan del Golfo. Ta trata aki di un di e grupo nan mas peligroso dediká na narkotráfiko di e pais.