Palabra ku a bira hopi popular entre e haitianonan ta “esperar”, ya ku ta e úniko kos ku a sobra nan di hasi.

CIUDAD DE MEXICO – Mas di 150 migrante haitiano proveniente di e Ciudad di México, a keda bandoná pa un siman kaba na e siudat na kosta di Acapulco, na parti sùit di e pais.

Esaki a sosodé despues ku e personal di e Instituto Nashonal di Migrashon a trasladá nan na e destino den Pasífiko Mehikano, mesun sitio unda lo a entregá nan un pèrmit.

Segun un di e haitianonan na e sitio, nan tabata na e kapital mehikano, pero a hinka nan den un bùs i a bai ku nan na e plasa aki. Solamente a indiká na nan, ku ora yega einan, lo firma un papel e siguiente dia.

Den e promé semèster di 2023, e tasa di kriminalidat na Haiti a subi, registrando mas di 1.600 insidente, kompará ku 682 ku tabatin den e mesun periodo aña pasá.

Pa e migrantenan aki, e papel ku nan ta buskando, ta un pèrmit di trabou òf un pèrmit migratorio di estadia, ku ta permití personanan ekstranhero permanesé na teritorio mehikano di forma regular.

Sinembargo, nan situashon a keda kompliká, ya ku hopi a sali sin dokumento ku por respaldá nan identidat.

Yvens, un ingeniero sivil, a sali for di su pais algun aña pasá debí na e krísis polítiko i ekonómiko den kua e pais tabata. Durante e periodo e tambe a sa di pasa tantu na paisnan manera Brasil komo Chile, lugánan unda tambe e tabatin ku emigrá pa por tin un mihó bibá.

El a sigui indiká ku awor e por tin un destino paso e tin su papelnan na México, pues a keda traha.

Aunke nan a sigurá ku Estádos Unídos ta e mihó destino pa inmigrantenan, esaki nan tin e speransa ku México por brinda nan e yudansa ku nan mester na e momentu aki.

E migrantenan ta konfia ku, aunke e poblashon di Acapulco ta solidario ku nan i ta hasi donashon di kuminda, loke nan mester ta plaka pa por sigui dilanti. Indikando esaki, a bisa ku nan ke traha pa por mantené nan mes, pues asta pa bai baño òf baña, tambe mester di plaka.

Pa hopi di e haitianonan aki, nan estadia na e siudat di e estado mehikano di Guerrero a difikultá hopi paso nan no tabata por a papia spañó.

Apesar di esaki, un palabra a bira popular entre nan i esaki tabata “esperar”, ya ku ta e úniko kos ku a keda nan di hasi.

Den e situashon aki no ta importá profeshon òf status sosial, debí ku tur hende ta den e mesun kondishon migratorio.

Menornan di edat, hóbennan i adultonan ta warda un respuesta faborabel ku por duna nan un segundo oportunidat pa rekonstruí nan bida.

Ku kara di desesperashon i sin por komuniká ku e mehikanonan, un kamarógrafo haitiano, ta pidi tur e personanan ku por yuda haña un bibienda òf pèrmit pa di e forma aki nan por traha, pa duna nan un man.