UTRECHT—E kantidat di komersiantenan ku ta bai sera nan negoshi den sentro di siudat a bira dòbel mas tantu.

Algun míles di komersiante a tuma e desishon pa evita ku nan ta kai den debe. E skarsedat di trahadó riba merkado laboral tambe ta soru pa hopi problema. Ta trata di 4% di komersiantenan ku ta dòbel di 2022 segun INretail, e organisashon di sektor di moda, deporte, sapatu. Nan ta saka stèker for di e negoshi pasobra nan no ta mira mas futuro den e negoshi. E inflashon haltu tambe a hunga un ròl. Gastunan di energia, hur i salarionan tambe a subi drastikamente mientras e entrada a keda igual. Esaki ta nifiká ku e rendimentu ta bou di preshon. Prinsipalmente e oumento di sueldo minimo ta soru pa gastunan ekstra. Hopi komersiante ta konfronta e skarsedat riba merkado laboral, aktualmente tin 380.000 vakatura habrí den Hulanda. Tur kaminda esaki ta un problema, teknikonan, shofurnan. Hopi komersiante tin sufisiente trabou pero poko hende pa traha. Esaki a soru ku hasta mester sera mas tempran, pues keda habri ménos ora.