Venezolano nan na Spaña ku a hasi uzo di nan derecho di voto.

MADRID – Mas di 55.000 venezolano tabatin e oportunidat di vota den oranan di ayera den e elekshonnan primario pa asina elegí e kandidato opositor pa e elekshonnan presidensial di próksimo aña.

Na Madrid, e mayor sentro di votashon na Oropa, ku 22.662 persona inskribí, vários shen persona a akudí den oranan trempan di mainta na urna nan, ubiká na un o iglesia di e kapital spañó.

Un di e polítiko nan eksiliá na Spaña ku ya a vota tabata e lider opositor venezolano Leopoldo Lopez, pa kende e dia di ayera tabata nifiká “rebelion di voto, desishon di venezolanonan di ta liber”. Den deklarashonnan na prensa, esaki a hasi un yamada na e unidat pa ku elekshonnan presidensial na 2024.

Lopez ademas a afirmá, ku e pais meresé un episodio nobo di lucha i a insistí ku ta konstruyendo momentunan di speransa, ku mester bini kompañá di e organisashon, mobilisashon i koheshon di tur persona ku e mesun ophetivo, kua ta sali for di e diktadura di Nicolas Maduro.

Di su banda, e eks alkalde di Caracas, Antonio Ledezma, a mustra su mes felis ku e selebrashon di e elekshonnan aki. El a indiká ku esaki ta nifiká un nasementu di nobo pa demokrasia.

Ledezma , kende a indiká di ta ku Maria Corina Machado, a konsiderá ku esaki no ta e ficha di un partido, sino ku e ta representá e ilushon den futuro di hopi hende, pues e lo ta e bosero di tur e venezolanonan sin distinshon di ningun tipo.