Último dia nan tabatin diferente hayasgo di droga i detenshon na frontera entre Venezuela i Colombia.

CARACAS – Militar nan di Venezuela a lokalisá 95 kilo di mariwana den un parke nashonal di e estado di Falcon, na nortost di e pais. Esaki durante labornan di patruyahe na e kosta nan, na altura di e parke nashonal Morrocoy.

Aki ta unda a kapturá un embarkashon ku tabata transportá un total di 143 bulto di mariwana ku un peso di masoménos 95 kilo.

Dia 19 último, e funshonario a informá di hayasgo di 100 kilo di kokaina na nortost di e pais, ku tabata keda transportá pa kuater hòmber di orígen kolombiano.

For di inisio di aña te ku dia 29 di sèptèmber, outoridat nan a lokalisá 41 tòn di droga entre kokaina i mariwana na henter e pais. Ademas a desmantelá 362 kampamentu pa produkshon di droga.

Di otro banda, a informá tambe di militar nan venezolano ku a sa di detené kuater hòmber ku droga na e zona fronteriso. Esaki nan tabata transportá 2.14 kilo di kokaina na e estado di Tachira.

Esun nan kapturá, tabatin e droga skondé den un vehíkulo i tabatin intento di burla outoridat nan venezolano i pasa na e teritorio.

Den e mesun region, efektivo nan militar a detené sinku hòmber ku shete arma di guera i munishon. A sigurá ku esaki nan ta forma parti di un grupo dediká na ekstorshoná i kontrabanda.