WILLEMSTAD – Siudadano Kenneth Nepomuceno a manda un karta pa Minister di Gobernashon, Planifikashon i Servisio Públiko Orlando “Kid” Martina ku pregunta tokante e lei “Landsverordening Algemene Ouderdomsverzekering” (AOV, esta penshon di behes). E ta pidi e Minister klaridat tokante edat di penshon.

Segun Nepomuceno den su karta, gobièrnu tabatin un preokupashon enorme ku e atraso (inkomstenderving) ku un grupo di ámtenar lo sufri ora ku ann baha ku penshon delantá (VVU), na edat di 60 aña i tin ku warda te 65 aña pa kobra nan AOV. Ta trata pues di un buraku finansiero. “Un di e motibunan ta e kambio akí: “Per 1 maart 2013 is de Landsverordening Algemene Ouderdomsverzekering (P.B. 1960 no. 83 op de volgende punten gewijzigd: A. Pensioengerechtigde leeftijd wordt verhoogd van 60 naar 65; B. AOV-pensioen zal niet automatisch met de gestegen kosten van levensonderhoud (inflatie) worden aangepast.” Ku otro palabra for di 1 di mart 2023 konforme e lei di penshon di behes, a subi e edat di penshon di 60 aña pa 65 aña. Ademas lo no adaptá e penshon outomátikamente ku e subida di kosto di bida (inflashon). Nepomuceno su pregunta konforme e lei “Landsverordening openbaarheid van bestuur”, na gobièrnu ta: “Kon i ki dia gobièrnu ta bai kompensá e grupo di ámtenar ku a baha ku VUT i ku sí mester kumpli ku e kambio di lei akí i tin ku warda te edat di 65ña pa kobra nan AOV?” Segun Nepomuceno, e grupo akí a pèrdè pa mas mínimo 56 mil florin, sin tene kuenta ku e primanan ku nan sí tin ku sigui paga te ku e edat di 65 aña. “Nan sí a kai den un buraku finansiero di 5 aña.” Porlotantu e ke pa Minister Martina duna un splikashon. Parlamento a risibí e karta akí e siman akí. Minister Martina mester kontestá ainda.