Gerrit Schotte.

Punda— Un email, por ta e motibu bou di kual Gerrit Schotte ta yegando òf a yega na un dil ku Ministerio Públiko.

Ta trata di un mail of korespondensha entre Italia i Kòrsou durante persekushon di Gerrit Schotte. Segun Kòrsou tabata un Abogado General na Italia kende a manda mail pa duna sospecho riba Gerrit Schotte, lokual a resultá di no tabata bèrdat. E supuesto mail di e abogado general, Pelicano, a krea duda hasta den seno di Ministerio Públiko i Prokurador General.  Durante tratamentu despues den Korte di Apelashon, Abogado General no a menshoná mas ku ta e mail en kestion tabata orígen pa start investigashon di Babel, kontra di Schotte. Lokual a prueba e deskonfiansa den seno di Ministerio Públiko mes den nan pruebanan kontra di Schotte.

Segun Schotte su abogadonan, ku na korte di apelashon, diripiente e interes di Ministerio Públiko a kita for di e mail ni tampoko e prosès ferbal ku ta menshoná e mail di Pelicano. E punto aki, Korte a mir’é fo’i un otro ángulo. Segun e wes no ta relevante si Korte di Apelashon a rechasá pa skucha Pelicano pasobra e mesun korte a konfirmá kaba ku pa nan no ta di interes mas pa skucha e testigu en kestion. Esaki a nifiká segun e wes ta mas importante ku den e proseso aki e interesnan sivil ta los for di e prosedimentu penal ku a tuma lugá kontra di Schotte. Korte a haña ku e intenshon di Schotte ta bon definí: “inisiá un proseso di daño perwisio e kousá pa e prosedimentu ilegítimo di Kòrsou, den e kaso aki Ministerio Públiko/Abogado General.

Pa tal motibu hinter e persekushon, riba tereno sivil tabata ilisito i okashoná daño na nan nòmber i imáhen di Schotte. E petishon pa daño di perwisio den su kaso ta di tal índole ku e tin di tuma lugá pafó di e proseso penal tras di lomba. Riba esaki e wes a duna e abogado rason tambe for na 2019.
Normal, un persona por súplika daño perwisio durante e tratamentu penal mes, pero den kaso di Schotte e daño ta di tal índole ku mester entamá un proseso sivil. Schotte a demandá 4.5 mion florin pendiente e desishon di korte pa Schotte paga 1.8 mion florin.