FRISC: E botonan rápido di detekshon (FRISC) a sali direkshon di e lancha

Nieuwe Haven—Fiskal di Ministerio Públiko, Girigoria Hernandez, ayera a demandá kastigu di prizon pa 6 hòmber venezolano akusá di a trafiká 547 kilo di kokaina.

Riba 20 di ougùstùs 2023, e barku di Marina Zr. Ms. Groningen, mitar di nuebe anochi nota un lancha nabegando den awanan teritorial di Venezuela. Mas lat alrededor di 11 or di anochi, e lancha ta subi awanan internashonal unda mesora komandante a duna órden pa aktual. E botonan FRISC rápido di Zr.Ms. Groningen a keda lansá i a kuminsá ku un persiguishon. E sospechosonan ku a hui no a reakshoná riba señalnan pa stòp ni tirunan di atvertensha. Despues di esaki e motor di e go-fast a keda desaktivá i e go-fast a stòp den laman. E 6 sospechosonan a keda detené i trasladá riba e barku di Marina Zr.Ms. Groningen. E karga ku a keda atras di kontrabanda a resultá di tabata mas o ménos 547 kilo kokaína.

Segun fiskal,  e sospechosonan, notando e FIRSC,  a tira tur kontrabanda for di e boto. Una bes ku nan tabata den banda di e boto, a duna un señal pa stòp i e sospechosonan a entregá nan mes. Esaki no a logra i mester a los tiru riba e motornan. Despues a subi e lancha pero no a logra haña droga riba e lancha pero riba laman a konfiská e bultonan. En total a konfiská 16 bulto.  E paketenan ku mas o ménos 550 kilo di kokaina seguidamente a keda saká for di laman.

Segun Fiskal ta trata di un kantidat grandi di kokaina. No ta pa uza personal sino, 547 kilo. E balor ta kalkulá na kasi 2 mion euro. Nan tabata den awanan internashonal na momento a interseptá e droga, segun e fiskal ayera. Nan ta meresé un kastigu di prizon largu. E standar di kastigu den tipo di kasonan asina ta entre 6 pa 8 aña. Den e kaso aki e la demanda 6 aña di kastigu inkondishonal. Ta trata di e hòmbernan Farfan Gonzalez (27 September 1980), Felix Minguel Zerpa Zerpa (4 yanüari 1990), Felix Jose Boada Zerpa (7 Mei 1984), Hannober Jose Boada (15 September 1965), Yency Cendeno (20 Yanüari 1978), Guillermo Miguel Boada (29 Mart 1976). Hues lo dikta sentensia dia 3 di novèmber benidero den oranan di mèrdia.