Rei largu na Hato di kliente den solo pará.

Hato—Gobièrnu di Kòrsou, mester intervení den e situashon di ADC na Haltu. Empleadonan trahando pa e laboratorio nashonal, apesar di ta motivá, no tin espasio pa aloká klientenan den rei i mester pone nan bai pará pafó den solo.

Esaki ta lokual Vigilante a bin nota, tantu na Hato pero tambe na Otrobanda, na momento tin hopi kliente. Debí na un preis mas abou di duna tèstnan pa Covid, ADC su demanda ta haltu pero e planifikashon logístiko ta hopi malu i ta kousa e daño nesesario na turismo di Kòrsou. E siman aki, Vigilante kende tabata presentá averiguá a presensha kon turista i siudadano tabata para den solo i tabatin hopi reklamo. Esaki no tin nada di haber ku e empleadonan kende tabata hasi nan máksimo, sino simplemente no tin alokashon pa duna esnan wardando un bon servisio. Bishitantenan na Kòrsou ku mester hasi nan tèstnan, ta parando bastante largu den solo, lokual no ta un bon indikadó pa turismo di Kòrsou.

Kontrali na por ehèmpel Lab de Med, klientenan por sinta paden den erko warda nan turno i na momento tin demasiado kliente, e laboratorio a arma un tènt ku stul pafó unda por aló ménos por sinta warda. Na Hato, Vigilante a mira kliente di ADC, sinta riba betòn i para bou di trapi di heru pa skapa solo, miéntras na Lab de Med tin hasta un mesa ku awa grátis pa e klientenan. Un diferensha  grandi.