Gerard basta indigná ku e pensamentu di bai duna mei mion florin pa dòrna Punda i Otrobanda.

Willemstad—– Parlamentario di PNP señor Gerard den un grabashon di bos tabata refutá e desishon i òf pensamentu pa bai gasta mei mion florin pa bai dòrna Punda miéntras ku tin otro prioridat ku ta regarda mas atenshon aki na Kòrsou.

Den e grabashon di bos ku Parlamentario Gerard a emití e la sali ilustrá ku nan komo partido Nashonal tin tres minister den Raad Van Minister. Gerard a sigui bisa ku e ta spera ku un di su ministernan lo a sali bisa ku esaki ta dimas. Segun Gerard e ta haña ku sorto di desishonnan asina aki ta pone ku Pueblo mes ta haña e chèns pa kuestiona  nan komo partido. Gerard a bisa ku nunka bisto ku ta bai presupuestá mei mion pa bai dòrna  Punda. E parlamentario pa partido Nashonal a sigui bisa ku mei mion pa dòrna Punda i Otrobanda si ta dimas,no por. Gerard a bisa ku e kos aki no por unda ta bai kue sèn pa dòrna Punda i Otrobanda miéntras ku aki na Kòrsou tin mas ku 6 mil habitante ku no tin awa ni koriente na kas. Tin habitantenan kobrando sea ònderstant òf penshon di behes drumi riba kama malu sin awe òf koriente anto ta kue mei mion florin di e pagadónan di impuesto bai dòrna kaya kuné. Si ta bai dòrna kaya esta Punda i Otrobanda pa turistanan por bin gosa i atmirá e ora ei laga CTB page. Gerard basta indigná ku e kos aki ta inaseptabel. E no por sinta mira kon Punda i Otrobanda tin awa i lus den fin di aña miéntras kas di esnan pober mes aki na Kòrsou ta den suku i sin awa. Segun Gerard ku e desishon aki pa bai dòrna Punda e ta saka su konklushon ku esnan sin koriente lo tin ku bandoná nan kas pa asina bin Punda pa bin mira lus miéntras ku por a yudanan ku e suma aki pa konektá nan awa i òf koriente. Tin hende nan ku un pida penshon  i òf ta kue djòp pa nan sobrebibí i debí na e subida di awa drástikamente últimamente a keda sin paga esaki i a deskonekt’é. E sa ku esaki ta nan responsabilidat pero e no por sera wowo pa nan sin mas ya ku ta  e pueblo aki a vota pa e partidonan ku ta na mando awor aki. Tabatin e temporada di Covid ku hopi hende a bin pèrdè trabou i mester a keda paden ya ku no por a sali pa bai kue djòp kual a pone ku nan a bin haña nan den inkumbinensha ku a yega te ku a deskonektá awa i koriente. Gerard a sigui bisa ku e tin basta ratu ta bringa pa kita e debe ku esnan tin unda a bin deskonektá nan koriente ku awa. Den kaso di Minister di Finansa e si a logra di kita debe di basta hende ku tabata debe impuesto pero pa kita e debe di esnan ku nan koriente i awa  ta sera si esei no a logra ainda. Duna nan un chèns pa kuminsá di nobo dor di  konektá meternan inteligente òf pagatinu di manera nan por haña awa i koriente bek. Segun Gerard ta desishonnan inaseptabel ku ta bai kue mei mion pa bai dòrna Punda i Otrobanda. Òf ta amigu kier hasi fabor di duna nan un trabou pa dòrna Punda i Otrobanda ya nan tambe ta gana algu.