WILLEMSTAD, — Parlamento lo deliberá dia 16 di febrüari awó ku Minister Presidente Gilmar Pisas i Minister di Enseñansa, Siensia, Kultura i Deporte (OWCS) Sithree van Heydoorn tokante e importansia di emansipashon pa pais Kòrsou. Tambe lo deliberá tokante formalisashon di opinion di Parlamento riba e reakshon di gabinete hulandes tokante e rapòrt ‘Ketenen van het verleden’.

E reunion ta planiá pa kuminsá 9’or di mainta. E promé punto di agènda ta riba petishon di miembronan di Parlamento Gilbert Doran di MFK, Ana Maria Pauletta di PAR i Corine Djaoen-Genaro di PNP di dia 29 di ougùstùs aña pasá. E segundo punto tokante e rapòrt, ta un tema ku Presidente di Parlamento Charetti America-Francisca mes a pone riba agènda pa tratamentu, a base di artíkulo 64 insiso 1 di Reglamento di Orden di Parlamento. E Presidente ta referí na e karta fechá 19 di desèmber aña pasá di Sekretario di Estado di Hulanda i Relashonnan di Reino Alexandra van Huffelen.