ENSCHEDE—Na Enschede un persona a pèrdè su bida den un insidente violento severo segun outoridatnan polisial a informá ayera.

Un sospechoso a keda detené. E insidente a tuma lugá alrededor di 15.30 den un bario parto ost di e siudat. Ainda no ta konosí kiko a pasa presis. Segun RTV Oost polis a haña melding di un insidente i agentenan mester a yega na e sitio ku chaleko antibala pa detenshon di e sospechoso. Habitantenan ta bisa prensa ku e sospechoso a keda tira ku su propio arma. Polis no por konfirmá esaki i ta investigando kiko a pasa presis. E area di e insidente a keda será pa investigashon.