Willemstad—-Djaluna 13 di yüni 2022 alrededor di 14:00’or, Sentral di Polis a risibí diferente yamada ku lo mester tin un kaso di bringamentu na e adrès situa na Macuraweg unda lo mester tin 3 persona bringando i ku e situashon ta saliendo for di man.

Na yegada di unidat di polis el a topa ku 3 hòmber, di kua un di nan tabata tin un machete den man. E hòmbernan aki no kier a sigi òrdu di polis loke a pone ku polis mester a lòs tiru di atvertensia. Na e adrès ariba menshona polis a hasi detenshon di e 3 hòmbernan sospechoso kende ta J.D.H. di 21 aña i E. v/d M di 43 aña nasé na Kòrsou i tambe M.D.G. v/d M. Di 20 aña nasé na Ulanda. Despues di nan detenshon, a presentá e dos sospechonan dilanti di un fiskal ouksiliar ku a ordená nan enkarselamentu pendiente di mas investigashon.