Algun a keda ataká i gòlpiá i otro nan a resultá heridá di bala.

PORT-AU-PRINCE – E manifestashonnan violento kontra e promé minister, Ariel Henry, a laga mas di 10 periodista heridá na diferente komunidat di Haiti.

E Asosiashon di Periodistanan Haitiano a kondená e aktonan di brutalidat aki, konsiderando ku e ta konstituí na un violashon di libertat di prensa i derechi di informashon garantisá pa Konstitushon haitiano i diferente tratado i konvenshon internashonal di kua Haiti ta forma parti.

E Asosiashon a relatá na medio nan di komunikashon haitiano Le Nouvelliste, ku dia 7 di febrüari na Jérémie, e direktor di e agensia Grand’Anse, Lemy Brutus, a keda ataká i gòlpiá pa grupo nan di e delegado departamental. Stanley Belford, di Island TV, i Ymozan Wilbord, a resultá heridá di bala.

Na Gros Morne, Alain Charles, a risibí un herida di bala den su parti íntimo durante un atake di grupo armá na un warda di polis di e komunidat. Na Cap-Haitien, un video a bira viral, den kua por mira agente nan polisial hañando i dañando ekipo i material nan di vários periodista.

Dia 8 di febrüari, na e kapital haitiano, un gerente di medionan online, Jean Jean Marc, a resultá heridá na altura di su wowo robes pa un situashon di bòm i gas.

Na Petit-Goave, tres periodista a keda ataká i gòlpiá pa manifestante nan. entre nan tabatin Jacky Saint-Fleur i Jocelyn Lindor.

E Asosiashon di Periodista nan Haitiano ta pidi periodistanan pa nan ta mas kouteloso, vigilante, responsabel, mas profeshonal i pa nan respetá regla nan di étika i komportashon profeshonal.