Minister Cijntje dunando splikashon tokante fondo di Garantia.

Parera,– Diferente proyekto agrikultor ketubai te pegá debí ku bankonan no ta dispuesto na tuma e rísiko pa finansiá tipo di proyekto asinaki. Den eksterior pa stimulá un sektor nobo, gobièrnunan sa establesé fondonan di garantia kual tin e meta pa yuda e bankonan tuma e rísiko pa finansiá proyektonan di rísiko haltu.

Durante e lansamentu di fiansa pa proyektonan agriktor Raiska Herrera di Qredits a splika ku nan organisashon lo hasi uso di fondonan di garantia oropeo. I abase di e fondonan aki, e kompanianan di fiansa empreserial, ta logra duna fiansanan ku interesnan abou. Den e kaso aki Herrera a splika ku e fiansanan den agrikultura lo tin un interes di 2%, kual segun e eksperto ta algu atraktivo. Tambe Herrera a sigui splika ku e sektor di agrikultor ta keda un sektor di rísiko haltu, kual ta ninfiká ku e fondonan di garantia ta importante.

Riba e punto di bista di Qredits, minister Ruisandro Cijntje a agregá ku gobièrnu di Kòrsou tin planiá pa buta mas o ménos 300 mil florin komo fondo di garantia pa asina stimulá e sektor di agrario. Segun e minister, e fondo di garantia na balor di 300 mil florin lo ta un fondo ku ta butá na disposishon un biaha, pero den mesun rosea e minister a agregá ku akaso ekonomia sigui krese e fondo di garantia aki tambe lo wòrdu ampliá.

Durante e splikashon di e minister, e minister no a duna un indikashon den ki periodo e fondo di garantia lo wòrdu butá na disposishon. Pero e presupuesto aktual di gobièrnu ta indiká e plan prinsipal ta pa e sektor agrikultor mester krese ku 5% pa aña 2030. Alabes for di e plan nan di e presupuesto ta indiká ku tin un proyekto piloto andando enkuanto seguransa di “food security” i den 2024 e proyekto aki lo keda evaluá.