ROTTERDAM—Na Rotterdam a start un prueba pa kombati diskriminashon di propietarionan.

Esnan ku ta buska kas por reakshoná di forma anonimo riba 200 kas di hur partikulir. Propietarionan no ta mira e fam di e persona, ni sekso òf desendensia, pero un kodigo segun omroep Rijnmond. Pa esnan ku ta buska kas ta prohibi pa lei pa doñonan di kas selekta riba prosedensia, sekso, nashonalidat òf religion. Tòg ta mira esaki den praktika, segun e munisipio. Asina esnan ku no tin fam hulandes tin 23% menos chens pa haña un invitashon pa wak kas. Diputado Zeegers (D66) ta haña esaki inaseptabel. Ningun hende por keda eskluí a base di nan nashonalidat of desendensia. Oportunidatnan igual pa un bibienda ta un derecho fundamental. Riba e website di esnan ku ta busk akas nan mester yena un passport kaminda tin informashon nesesario di entrada i grandura/konstelashon di kas segun un bosero. Despues por reakshoná anónimo. E doño di kas ta invita di e lista di interesadonan un kantidat di hende pa wak e kas. E ora ei e nombernan ta sali. Si un doño di kas disidi pa no invita un hende, ta sali un señal. Si esaki sosode frekuente, munisipio por hasi un investigashon i kontrola. E bosero ta rekonose ku e sistema no ta kompletamente sigura. Ta un instrument pa ehekuta e lei mas mihó posibel. Hopi doño ta bisa ku nan no kier diskrimina pero e ta sosode inkonsiente. Ta spera ku e instrumento ta hasi e proseso mas ophetivo i transparente.segun munisipio e prueba ta dura 6 luna.