Willemstad— Ku bista riba Jump i tambe karnaval tantu di mucha, teener i tambe hende grandi ya a kuminsá limpia aló largo di e ruta di karnaval.

Ayera Selikor huntu ku Polis  i tambe e personal di Prekario a kuminsá ku limpiesa aló largu di e ruta di karnaval. A kuminsá deshasí di stelazjenan bieu i tambe otro ophetonan ku tin pone kantu di kaminda ku sigur tabata trese un mahos bista. Ta basta shushi i tambe konstrukshonnan ku a bai for di man a deshasí di nan. Awe lo kontinuá pa asina limpia e ruta di karnaval ya na momento ku tin ku konstruí e stelazjenan nobo tin lugá.